കുട്ടികള്‍ വീടിനു പുറത്തായിരിക്കുമ്പോള്‍ സ്വയം സുരക്ഷ ഉറപ്പാക്കാന്‍ അവരെ പഠിപ്പിച്ചിരിക്കണം. അപകടങ്ങളെക്കുറിച്ച് അവര്‍്ക്ക് മതിയായ ധാരണ നല്കാന്‍ മാതാപിതാക്കള്‍
ശ്രദ്ധിക്കണം.
വീട്ടിലെ ഫോണ്‍ നമ്പര്‍, അച്ഛന്‍റെയും അമ്മയുടെയും പേര്, വിലാസം എന്നിവ കാണാതെ പറയാന്‍ അവരെ പഠിപ്പിക്കുക.
അപരിചിതരായ ആളുകള്‍ അടുത്തേക്കു വിളിച്ചാല്‍ ചെല്ലരുത് എന്ന് കുട്ടിയെ ഓര്‍മിപ്പിക്കുക. ആരെങ്കിലും പിന്‍തുടരുന്നു എന്നു തോന്നിയാല്‍ വേഗം അടുത്ത കടകളിലേക്കോ വീടുകളിലേക്കോ കയറാന്‍ നിര്‍ദ്ദേശിക്കുക. വൈകുന്നേരത്തെ നടത്തത്തിന് കുട്ടികളെ ഒപ്പം കൂട്ടുക. തന്‍റെ വീടിന്‍റെ പരിസര പ്രദേശങ്ങളെക്കുറിച്ച് അവര്‍ക്ക് വ്യക്തമായ ധാരണയുണ്ടാവാന്‍ ഇത് സഹായിക്കും. ആള്‍ത്താമസമില്ലാത്ത സ്ഥലങ്ങള്‍, ഊടുവഴികള്‍ എന്നിവയിലൂടെ ഒറ്റയ്ക്ക് സഞ്ചരിക്കരുതെന്ന് കുട്ടികള്‍ക്ക് മുന്നറിയിപ്പ് നല്‍കുക. അപരിചിതമായ സാഹചര്യത്തില്‍ ധൈര്യം കൈവിടാതെ പ്രവര്‍ത്തിക്കാന്‍ കുട്ടികളെ ശീലിപ്പിക്കുക.( കടപ്പാട് - കലാകൌമുദി ദിനപത്രം )
No comments:
Post a Comment